കന്യകകള്‍ക്ക് വാര്‍ദ്ധക്യമില്ല
പ്രായം കൂടുംതോറും
സ്നിഗ്ധത നശിക്കാത്ത തൊലിയും
വിഷാദം തുളുമ്പുന്ന ചിരിയുമായി
അവര്‍ ഉണര്‍ന്നിരിക്കും ....
അവരുടെ ആകാശത്തില്‍
ഒരിക്കലും പെയ്തു തീരാത്ത
ദുഖത്തിന്റെ കാര്‍മേഖങ്ങള്‍
ഉറഞ്ഞു കൂടി നില്‍ക്കും
അവരുടെ സ്വപ്നങ്ങളില്‍
നിശഗന്ധികളും ചിന്തകളില്‍
സൌഗന്ധികങ്ങളും
പൂത്തുലയും
നിലാവിന്റെ നീല തോണിയില്‍
പ്രണയ തീരങ്ങളിലേയ്ക്ക്‌
അവര്‍ ഒറ്റയ്ക്ക് യാത്ര പോവുന്നു
അവിടെ ഏകാന്തതയുടെ
മയിലാഞ്ചി ഗന്ധമുള്ള
കല്‍പ്പടവുകളില്‍ ഇരുന്നു
അവര്‍ കിനാവ്‌ കാണും
നല്ലൊരു കാമുകനെ
തന്റെ പ്രണയം മുഴുവന്‍
കവര്‍ന്നു എടുക്കുന്ന,,,
കണ്ണുകളില്‍ ചിരിയുള്ള .....
ഹൃദയത്തില്‍ പൂക്കള്‍
വിരിയിക്കുന്ന കൂട്ടുകാരനെ....
അവന്റെ നിശ്വസങ്ങളില്‍
താന്‍ ഉണ്മാദിനിയാവുന്നതും
അവന്റെ
തലോടലുകള്‍ ഉയിര്‍പ്പിന്റെ
ആഘോഷം ആവുന്നതും
കിനാവ്‌ കണ്ടു
കന്യകകള്‍
ഉണര്‍ന്നിരിക്കുന്നു
അവര്‍ വൃദ്ധരാവുന്നില്ല
അവരുടെ പ്രണയം
മരിക്കുന്നുമില്ല
നന്നായി .നല്ലവരികള്‍ ...ആശംസകള്‍ !
ReplyDelete