Thursday 16 May 2013

ആരാണ് പ്രിയ(നല്ലാത്തവ)ൻ 

ഏറെ അടുത്തിട്ടും 
ഏറെ അറിഞ്ഞിട്ടും 
നിഴൽ പോലെ എന്നും 
കൂടെ നടന്നിട്ടും 
ഒരു പാട് സ്നേഹത്തെ
ഉള്ളിൽ നിറച്ചിട്ടും 
ഒരു മാത്ര പോലും 
അകലാതിരുന്നിട്ടും 
ഒരു വിരൽ തുമ്പിനെ
പോലും തൊടാതെ 
എന്നുമെൻ കൂട്ടായി 
താങ്ങായി തണലായി 
എന്നോടൊപ്പം നിന്ന 
സ്നേഹിതനോ.. ???
കാണുന്ന മാത്രയിൽ 
വിളറി ചിരിച്ച് ഏറെ 
സ്നേഹം വിളമ്പിയും 
കാമം തുളുമ്പിയും 
കണ്ടു പിരിയുന്ന മാത്രയിൽ 
തന്നെയാ ഓർമ തൻ 
ചെപ്പിനെ ദൂരെ എറിഞ്ഞിട്ടു
പടമൂരി എത്തുന്ന 
ഉരഗത്തെ പോലെ 
വീണ്ടും അണയുന്ന 
കള്ളത്തരങ്ങൾ തൻ 
രജകുമാരനായ്
എന്നോടൊപ്പമുള്ള നീയോ...???

3 comments:

  1. ആരാണപ്രിയന്‍?

    ReplyDelete
  2. രതിയില്ലാ പ്രണയത്തിന്റെ ആത്മാർത്ഥത ഇക്കിളികൾക്ക് വഴിമാറി കൊടുത്തിട്ടേ ഉള്ളൂ അതാണ് ഉപമ ഉൾ പ്രേക്ഷയോടെ പറയാൻ മറന്നത്

    ReplyDelete
  3. നല്ല വരികൾ.

    ശുഭാശംസകൾ...

    ReplyDelete