മൃതിയിലേക്ക്‌ പാതകള്‍ ഒരുക്കുന്നവര്‍
തീ തുപ്പുന്ന മദ്ധ്യാഹ്നം പോലെയാണ്
എന്റെ ചിന്തകള്‍
ഏകാന്തതയുടെ മണല്‍ കൂനകള്‍ക്ക് മീതെ
മൌനം വിതച്ച് ,
തളര്‍ന്ന ഹൃദയ കമ്പനങ്ങളില്‍
ഭയത്തിന്റെ താളം നിറച്ച് ,
മൃതിയിലെയ്ക്കുള്ള പാതകള്‍ തീര്‍ക്കുന്നു .....
മഴ നിറഞ്ഞ സായാഹ്നം പോലാണ്
എന്റെ സ്വപ്നങ്ങള്‍ ,
മിഴികള്‍ നനയ്ക്കാതെ ,
കണ്ണീര്‍ ഉപ്പ് നുണയാതെ ,
ഒരു രാത്രി പോലും
എന്നെ വിട്ട് പോയിട്ടില്ല ......
കൊടിയ വേനല്‍ പോലാണ്
എന്റെ മോഹങ്ങള്‍ ,
നിശ്വാസങ്ങളെ ചൂട് കാറ്റാക്കി ,
പ്രതീക്ഷകളുടെ നാമ്പുകള്‍ ഉണക്കി ,
പ്രത്യാശയുടെ ഉറവകള്‍ വറ്റിച്ച് ,
എന്നെ ചുട്ട്‌ പൊള്ളിച്ചു കൊണ്ടിരിക്കുന്നു ....
എങ്കിലും ഈ ജീവിതം
ഒരു കൊതിയായ് ...
തീരാത്ത ആര്ത്തിയായ് ..
കാത്തിരിപ്പ്‌ തുടരുന്നു
പിന്നേയും .... പിന്നെയും
മോഹ വൃക്ഷങ്ങള്‍ നട്ട് കൊണ്ട്
സ്വപ്ന സൌധങ്ങള്‍ തീര്‍ത്തു കൊണ്ട് ........
തീ തുപ്പുന്ന മദ്ധ്യാഹ്നം പോലെയാണ്
എന്റെ ചിന്തകള്‍
ഏകാന്തതയുടെ മണല്‍ കൂനകള്‍ക്ക് മീതെ
മൌനം വിതച്ച് ,
തളര്‍ന്ന ഹൃദയ കമ്പനങ്ങളില്‍
ഭയത്തിന്റെ താളം നിറച്ച് ,
മൃതിയിലെയ്ക്കുള്ള പാതകള്‍ തീര്‍ക്കുന്നു .....
മഴ നിറഞ്ഞ സായാഹ്നം പോലാണ്
എന്റെ സ്വപ്നങ്ങള്‍ ,
മിഴികള്‍ നനയ്ക്കാതെ ,
കണ്ണീര്‍ ഉപ്പ് നുണയാതെ ,
ഒരു രാത്രി പോലും
എന്നെ വിട്ട് പോയിട്ടില്ല ......
കൊടിയ വേനല്‍ പോലാണ്
എന്റെ മോഹങ്ങള്‍ ,
നിശ്വാസങ്ങളെ ചൂട് കാറ്റാക്കി ,
പ്രതീക്ഷകളുടെ നാമ്പുകള്‍ ഉണക്കി ,
പ്രത്യാശയുടെ ഉറവകള്‍ വറ്റിച്ച് ,
എന്നെ ചുട്ട്‌ പൊള്ളിച്ചു കൊണ്ടിരിക്കുന്നു ....
എങ്കിലും ഈ ജീവിതം
ഒരു കൊതിയായ് ...
തീരാത്ത ആര്ത്തിയായ് ..
കാത്തിരിപ്പ്‌ തുടരുന്നു
പിന്നേയും .... പിന്നെയും
മോഹ വൃക്ഷങ്ങള്‍ നട്ട് കൊണ്ട്
സ്വപ്ന സൌധങ്ങള്‍ തീര്‍ത്തു കൊണ്ട് ........
No comments:
Post a Comment