ആത്മ രോദനം
ജീവിത സായാഹ്ന തീരത്തിരുന്നു നീ
തേടുവതെന്താണ് പെണ്‍ കിളീ ഏകയായ്
പോയ കാലത്തിന്റെ ദുഃഖ സ്മൃതികളോ
കൈവിട്ടു പോയോരരുമയാം സ്വപ്നമോ...
യവനിക വീഴുവാനില്ലിനി അധിക നാള്‍
എന്നോതി ദുര്‍ബലമാകും നിന്‍ ചിറകുകള്‍
അരിയുവാന്‍ എത്തുന്ന ചന്ദ്രഹാസത്തിന്‍
മിന്നല്‍പ്പിണരുകള്‍ കാണുന്നതില്ലയോ
ഇല്ലില്ല ഒരു ആരണ്യകം നിനക്കായിനി
ഇല്ലാ നികുന്ജവും ഇണക്കിളി തന്‍ പാട്ടും
കാലമെകുന്നോരീ എകാന്തതയുമായ്
എത്ര നാളുണ്ടിനി എന്‍ പ്രിയ പെണ്‍ കിളീ
ശാരികേ പാടുവാനായില്ലിനിയൊരു
വൈദേഹി തന്‍ കഥയും കിളി കൊഞ്ചലും
ഇല്ലൊരു രാധയും വൃന്ദാവനവും
കുളിരാര്‍ന്നു പാടുന്ന ഹംസ ഗാനങ്ങളും
നിന്റെ മാനസ നികുന്ജതില്‍ ഇപ്പോഴും
കൊക്കുരുമ്മി ഇരിക്കുന്നൊരാണ്‍ കിളി
സ്വപ്നമാണെന്ന് അറിയുവാന്‍ ആവാത്ത
മൂഡയാണു നീ ശാരിക പെണ്‍ കിളീ
നിന്നെ എയ്യുവാന്‍ ഉന്നം നോക്കീടുന്ന
വനചരനെ നീ കാണുന്നതില്ലയോ
കൊടിയോരമ്പ് നിന്‍ നെഞ്ചിലെത്തും
മുമ്പരിയൊരീ പ്രയാണം തുടരുക ...............
No comments:
Post a Comment