പുലരി പതിവ് പോലെ തന്നായിരുന്നു 
എന്റെ ലില്ലി ചെടികളുടെ ഇലകള്‍ 
നനഞ്ഞിരുന്നു... 
ആകാശത്ത് സൂര്യന്റെ പിറവിയുടെ 
തുടുപ്പ്... 
തെങ്ങോല തലപ്പുകളിലെ കാറ്റിന്റെ കൂട്
തുറന്നിരുന്നില്ല ....
എന്നിട്ടും
മൃതിയില്‍ നിന്നും ഉയിര്‍ത്ത പോല്‍
കൂനി കൂടിയ എന്റെ ചിന്തകള്‍
ഏകാന്തതയുടെ പിന്നാം പുറത്ത്
വെയിലിനെ കാത്തിരുന്നു
എന്റെ സൂര്യാ
നീ എപ്പോഴാണ് വരുന്നത്
നിന്റെ തീഷ്ണ കിരണങ്ങളാല്‍
എന്റെ ലില്ലി ചെടികളിലെ
നനവിനൊപ്പം
എന്റെ ചിന്തകളെയും
നീ കരിച്ചു കളയുമോ ??