എന്റെ വീട്

ഞാന്‍ കടലില്‍ ആണ് ജീവിക്കുന്നത്
കടുത്ത ഉപ്പും, കനത്ത തണുപ്പും ഉള്ള
വിശാലമായ കടല്‍ എന്റെ വീടാണ്.....
ഞാന്‍ സൂര്യനെ കാണുന്നില്ല,
സൂര്യന് ചൂടാണെന്നും
 അതെന്നില്‍ പ്രകാശം നിറയ്കുമെന്നും എനിക്കറിയാം
പക്ഷെ... ഈ ഉപ്പും തണുപ്പും കടന്നു വെയിലിലേയ്ക്കു
പോകുവാന്‍ എനിക്ക് ആവുന്നേയില്ല...
കടല്‍ അതിന്റെ പായലും പൂപ്പലും   നിറഞ്ഞ 
വഴു വഴുത്ത ഇരുട്ടുമുറിയില്‍
എന്നെ തടവിലാക്കിയിരിക്കുന്നു...
ഇരുട്ടിലിരുന്നു ഞാന്‍ കിനാവ് കാണുന്നു
എന്റെ സുര്യന്‍ ഈ കടലിനെ വിഴുങ്ങുന്നത്...........

..