നിന്റെ ഹൃദയച്ചുഴിയില്‍
ഞാന്‍ വീണു പോയിരിക്കുന്നു
ഓരോ തിര തള്ളലും
നിന്റെ ആഴങ്ങളിലേയ്ക്ക്
എന്നെ കൊണ്ട് പോവുന്നു
ഒരു പത്തേമാരിയും
എത്തിച്ചേരാത്ത
നിന്റെ അഗാധതയിലേയ്ക്ക്
താണ്  പോവുമ്പോഴും
ഒരു തിരയ്ക്കൊപ്പം
എന്റെ പ്രണയത്തെ
നിന്നിലെയ്ക്ക്
ഞാന്‍ തിരിച്ചയയ്ക്കും
ഒരിക്കലെങ്കിലും
നീ അത് തിരിച്ചറിയുമെന്നും
നിന്റെ കണ്ണിലെ
നനവ്‌
അതിലേയ്ക്ക്
പടരുമെന്നും
ഞാന്‍ കിനാ കാണുന്നു